الليره التركيه والدولار.. غرام الأفاعي
نشر الباحث الاقتصادي أحمد برهم تقريرا علي صفحته علي موقع "فيسبوك" عن حركة الليرة التركية والدولار الأمريكي تحت عنوان "الليره التركيه والدولار.. غرام الأفاعي".
وإليكم نص التقرير
فيه نوعين من الحركه لليره التركيه امام الدولار خلال 100 سنه تقريبا
حركه طبيعيه عاديه هاديه ، ودى كانت فى اتجاه واحد ، هبوط مستمر ، ترند تقريبا متكسرش نهائى على المدى الطويل ، دايما الليره التركيه بتهبط امام الدولار ، الفرق بس فى كمية الهبوط ده قد ايه كل سنه
وفيه ذبذبات حاده ، زى اللى حصل الشهر ده صعودا وهبوطا
الذبذبات دى تعجب المضاربين ، بس متعجبش المستثمرين ، لانها شديدة الخطوره و لا يمكن التحسب لها او التخطيط لها باى شكل
تركيا خلال السنوات الماضيه بقت قبلة للمضاربين فى العملات الباحثين عن الربح السريع ، لان ببساطه ، تقدر تعمل ملايين من اى تصريحات او قرارات خرقاء بتحصل ، وعادة ده شىء مضمون فى ظل القيادة غير الرشيده الحاليه
اغلب الاستثمارات الجاده والصناديق المحترمه بتخرج ، وده يخلى الازمه عندهم اشد خلال الفترات الماضيه ، و سلوك المضاربين بيخلى الذبذبات نتيجة الاخبار ، تبقى شديدة الحدة ، واللى بدورها تطفش المزيد من الاستثمار ( سواء مباشر او غير مباشر) اضافة الى ان القرارات هناك ايضا حاده وعنيفه ، وكل ده بيخلى الوضع بيئه غير مثاليه للاستثمار اطلاقا ، لكن دى الطبيعه الحاليه للاستثمار التركى
على عكس من ده بقى الاستثمار فى مصر ، سعر صرف مستقر ، تصريحات نادره ومتزنه من مسئولى المركزى ، الحكومه تدعم المركزى ، والذى بدوره يدعم الحكومه ، حاله من التوازن والهدوء والتعاون ، تجعل الامور مستقره للغايه و مشجعه للتخطيط على المدى الطويل ، وده بيناسب طبعا اى جهة استثمار محترمه ، ويطفش اى مضارب او صياد فرص سريعه !!
فاستمراريه البلدين على نفس النهج فى مصلحتنا قطعا ، واعتقد مصر خلال السنوات الثلاث او الاربع القادمه على الاكثر ، اذا اراد الله ، هتكون بدأت تشوف نتائج ده بشكل قوى على الارض ( الفتره اللى فاتت كانت فترة دخول مستثمرين ، الفتره اللى جايه ان شاء الله شغلهم يبدأ يبان على الارض ).
وفي سياق أخر أصدر مجلس الوزراء بيانا عاجلا للمواطنين تضمن الآتي:
- لا صحة لانقطاع المياه بمطار القاهرة الدولي
- انتظام تدفق المياه بجميع منشآت المطار بالكامل طبقًا للمعدلات الطبيعية، دون وجود أي انقطاعات
- هناك عمليات متابعة دورية لجميع مرافق البنية التحتية بما فيها من خطوط وشبكات المياه بالمطار تجنباً لحدوث أية مشكلات
- علي جميع وسائل الإعلام ومرتادي مواقع التواصل الاجتماعي تحري الدقة فيما يتم نشره، مع استقاء المعلومات من مصادرها الرسمية.
كما أعلن الأعلى للأجور عن زيادة جديدة للعلاوة السنوية من أجل مناقشة قرار وزارة التخطيط، والخاص بإقرار العلاوة الدورية لموظفي القطاع الخاص.
وتبلغ نسبة العلاوة الدورية لموظفي القطاع الخاص 3% من أجر الاشتراك التأميني المنصوص عليه، والمثبت فى استمارة 2 تأمينات.
ولا تقل العلاوة الدورية لموظفي القطاع الخاص عن 60 جنيهاً، وذلك كحد أدنى للعلاوة في القطاع الخاص.
الأوراق المطلوبة لتسجيل استمارة الصف الثالث الثانوي
مواعيد صرف مرتبات شهر ديسمبر 2021
