تعرف الفرق الجوهرى بين زيادة الفائده و تعويض المودع عن فرق سعر الصرف اللى اعلنه الاتراك ؟
نشر الباحث الاقتصادي أحمد برهم تقريرا عن الفرق الجوهرى بين زيادة الفائده و تعويض المودع عن فرق سعر الصرف اللى اعلنه الاتراك وإليكم نص التقرير:
باختصار ، انت لما بتودع فلوسك فى شهادة استثمار او ادوات دين ثابت ( سندات او اذون خزانه) ، فانت بتبقى مستثمر باقل قدر من المخاطر ، انما مش زيرو مخاطر !
ليه ؟ لان فيه مخاطر تانيه ممكن تتعرض لها
زى ايه ؟
من اهمهم تغير سعر الصرف ، يعنى انت بتشتغل فى الخليج و حولت فلوسك لمصر ، و حولتهعم من دولار لجنيه عشان عامل شهادات بالجنيه المصرى، على فائده 10% ، لكن سعر الدولار زاد 10% و الفائده على شهادات الدولار مثلا 2% ، فكده اللى عمل بالدولار زادت فلوسه 12% مثلا ، بينما انت هتبقى زدت 10% فقط ، بالتالى انت خسرت الفرق ده لو كانت عملت الشهادة بالدولار مش بالجنيه !!
شىء مشابه كان هيحصل فى تركيا ، لان كل سنه الدولار بيزيد قدام الليره بنسبه ما ، ده شىء شبه ثابت خلال العقود الماضيه تقريبا ، بالتالى لو الفائده منخفضه ، فانت هتخسر الفرق ، وتفضل تحول للدولار و تعمل شهادات بالدولار (مثلا)
لكن لما انا اقولك هدفعلك الفرق ، فانت كده خلاص تقريبا معدش فيه مخاطر تذكر ، الا ارتفاع سعر الفائده ، وزى منت شايف اردوغان مصر انه ميرفعش الفائده لاقصى مدى ، بالتالى المستثمر فى الليره التركيه المفروض انه هيبقى زيرو مخاطر ، بالتالى مكسب مضمون !!
ورغم كده فالمستثمر لا يثق فى اردوغان ، ولا يثق فى هذه الهرتله ، لان ببساطه ، اضمن منين انه ينفذ الكلام ده ، وبعدين هينفذه ازاى اصلا ؟
هيطبع فلوس ويدينى الفرق ؟ طب مهو ده هيخفض القيمه زيادة ( لانه هيعمل تضخم ) وهتبقى دائره مفرغه من العبط ، هو يطبع عشان يعوضنى، ففلوسى تقل قيمتها اكتر ، فيطبع عشان يعوضنى اكتر فتقل قيمتها اكتر وهكذا !
كل ده كان ممكن تفاديه بزيادة سعر الفائده بشكل محترم وخلاص !
عشان كده الناس الطيبه اللى ركبها سابت من الاستثمارات الاماراتيه ، وقالوا دول بينقذوا الليره ، هم هم نفس الناس الطيبه اللى ركبها خبطت عشان قرار دعم الليره وتعويض المستثمر فيها ، و فى الحالتين اتخموا لما شافوا ارتداده سريعه ، بينما فى الحقيقه هى ذبذبه سعريه مؤقته ، وكل شىء بعد كده هيرجع لطبيعته و تكمل الليره مسارها المحتوم.
وفي سياق أخر خلال الأيام الماضة تداولت عدد من وسائل الأعلام تسريب المخابرات الأمريكية بشأن برنامج الصواريخ البالستية للسعودية
وتضمن تسريب المخابرات الامريكيه صور اقمار صناعيه بتؤكد ان السعوديه بدأت نشاط انتاج صواريخ بالستيه محلية بالتعاون مع الصين.
الصور المسربه بتحدد منشأه تم بناءها بمساعدة الصين لتصنيع الصواريخ البالستيه , و حسب مصادر الامريكان انه اول دليل واضح لنشاط السعوديه في انتاج الصواريخ .
و حسب مصادرهم ان النشاط السعودي موجود من عهد ترامب , و ادارة ترامب كانت متجاهله الضغط علي السعوديه .
امريكا حسب موقفها المعلن انها قلقه بخصوص النشاط السعودي لانه هيعمل قيود علي المفاوضات مع ايران بخصوص برنامجها النووي و نشاطها في انتاج الصواريخ البالستيه , و بيقولوا انه بالشكل ده دايره الازمه هتشمل السعوديه
الغريب بقي ان المصادر الامريكيه بترجح فرض عقوبات علي الشركات الصينيه المتورطه , مع عدم فرض اي عقوبات علي السعوديه .
